अमळनेरचे प्रा. विजयकुमार वाघमारे यांना पीएचडी प्रदान; कुलगुरू डॉ. व्ही.एल. माहेश्वरी यांच्या हस्ते सत्कार

अमळनेर : येथील समाजकार्य महाविद्यालयाचे प्राध्यापक विजयकुमार भास्करराव वाघमारे यांना कवयित्री बहिणाबाई चौधरी उत्तर महाराष्ट्र विद्यापीठ, जळगाव तर्फे ‘समाजकार्य’ विषयात डॉक्टरेट (पीएचडी) पदवी प्रदान करण्यात आली आहे. विद्यापीठाचे मा. कुलगुरू डॉ. व्ही.एल. माहेश्वरी यांच्या शुभहस्ते प्रा. वाघमारे यांना पीएचडी नोटिफिकेशन सोपवून त्यांचा विशेष सत्कार करण्यात आला.

​प्रा. डॉ. विजयकुमार वाघमारे यांनी आपला शोधनिबंध ‘समाजकार्य’ या विषयातून यशस्वीरीत्या पूर्ण केला आहे. त्यांना या संशोधनासाठी धुळे येथील डॉ. बाबासाहेब आंबेडकर समाजकार्य महाविद्यालयाचे सहयोगी प्राध्यापक प्रा. डॉ. सुदाम राठोड यांचे मोलाचे मार्गदर्शन लाभले.

​विद्यापीठात आयोजित एका विशेष कार्यक्रमात कुलगुरू डॉ. व्ही.एल. माहेश्वरी यांच्या हस्ते हा बहुमान प्रदान करण्यात आला. याप्रसंगी संशोधन मार्गदर्शक प्रा. डॉ. सुदाम राठोड, कवयित्री बहिणाबाई चौधरी उत्तर महाराष्ट्र विद्यापीठाच्या परीक्षा विभागाचे उपकुलसचिव श्री. वसंत वळवी, प्रा. धनराज ढगे, दीपक संदानशिव आणि मुरलीधर बिरारी यांच्यासह विविध क्षेत्रातील मान्यवर उपस्थित होते.

​प्रा. डॉ. वाघमारे यांच्या या उल्लेखनीय शैक्षणिक यशाबद्दल समाजकार्य महाविद्यालय प्रशासन, प्राध्यापक वृंद, शैक्षणिक क्षेत्रातील मान्यवर तसेच अमळनेर शहरातील नागरिकांकडून त्यांच्यावर अभिनंदन आणि शुभेच्छांचा वर्षाव होत आहे.