राजेंद्र पाटील यांची ‘शिक्षक-शिक्षकेतर सेने’च्या तालुका प्रमुखपदी नियुक्ती

​अमळनेर : मंगरूळ येथील स्व. अनिल अंबर पाटील माध्यमिक व डॉ. अस्मिता प्रतापराव दिघावकर उच्च माध्यमिक विद्यालयाचे शिक्षक राजेंद्र श्रीराम पाटील यांची महाराष्ट्र राज्य शिक्षक-शिक्षकेतर सेनेच्या अमळनेर तालुका प्रमुखपदी निवड करण्यात आली आहे.

​उपमुख्यमंत्री एकनाथ शिंदे यांच्या मार्गदर्शनाखाली आणि शिक्षक आमदार किशोर दराडे यांच्या नेतृत्वाखाली संघटनेच्या बळकटीसाठी ही नियुक्ती करण्यात आली. संघटनेचे जिल्हाध्यक्ष रवींद्र बाबुराव चव्हाण व जिल्हा सरचिटणीस महेंद्र दत्तात्रय पवार यांच्या स्वाक्षरीचे नियुक्तीपत्र त्यांना प्रदान करण्यात आले.

​शिक्षक व शिक्षकेतर कर्मचाऱ्यांच्या प्रश्नांना न्याय मिळवून देण्यासाठी आणि संघटना अधिक मजबूत करण्यासाठी कटिबद्ध असल्याचे राजेंद्र पाटील यांनी यावेळी सांगितले. त्यांच्या या निवडीबद्दल पू. साने गुरुजी पतपेढीचे संचालक, मंगरूळ विद्यालयाचे सर्व सहकाऱ्यांसह शैक्षणिक, सामाजिक व राजकीय क्षेत्रातील मान्यवरांनी त्यांचे अभिनंदन केले आहे.