अमळनेर : २ जानेवारी – ‘पोलीस दिवस’ आणि ६ जानेवारी – ‘पत्रकार दिवस’ या दोन महत्त्वपूर्ण दिवसांचे औचित्य साधत अमळनेरमध्ये पोलिस व महाराष्ट्र राज्य पत्रकार संघांच्या संयुक्त विद्यमाने विविध क्रीडा व सांस्कृतिक उपक्रमांचा सुंदर मेळ साधणारा भव्य कार्यक्रम आयोजित करण्यात आला आहे. सामाजिक बांधिलकी जोपासत तसेच पोलीस व पत्रकार यांचे कुटुंबियांमध्ये आपुलकीची भावना वृद्धिंगत करण्याच्या उद्देशाने हा उपक्रम राबविण्यात येत आहे.
