कै. लहू व सोनाबाई बि-हाडे यांच्या स्मरणार्थ गंगापुरी शाळेतील विद्यार्थ्यांना स्पोर्ट्स गणवेश वाटप

   गंगापुरी (प्रतिनिधी) : येथील जिल्हा परिषद शाळेत कै. लहू शामराव बि-हाडे व कै. सोनाबाई लहू बि-हाडे यांच्या स्मरणार्थ प्रा. डॉ. शरद लहू बि-हाडे (धनाजी नाना महाविद्यालय, फैजपूर) यांच्या वतीने शाळेतील सर्व विद्यार्थ्यांना स्पोर्ट्स गणवेशाचे वाटप करण्यात आले.

या कार्यक्रमात गंगापुरी गावातील माजी पंचायत समिती सदस्य भैय्यासाहेब प्रविणजी पाटील, शाळा व्यवस्थापन समितीचे अध्यक्ष दादासाहेब सचिनजी कोळी, ग्रामपंचायत सदस्य तसेच शाळा व्यवस्थापन समितीच्या सदस्यांच्या हस्ते विद्यार्थ्यांना गणवेशाचे वाटप करण्यात आले.

विद्यार्थ्यांच्या सर्वांगीण विकासाला प्रोत्साहन देणाऱ्या या उपक्रमाचे उपस्थित मान्यवरांनी कौतुक केले. शाळेला स्पोर्ट्स गणवेश उपलब्ध करून दिल्याबद्दल मुख्याध्यापक दीपक भामरे, उपशिक्षक विजय बि-हाडे, मान्यवर आणि विद्यार्थ्यांनी प्रा. डॉ. शरद बि-हाडे यांचे आभार मानले.