अमळनेर: खान्देशचे प्रतिपंढरपूर म्हणून ओळखल्या जाणाऱ्या अमळनेर येथील श्री संत सखाराम महाराज यात्रा उत्सवाचा उत्साह आता शिगेला पोहोचला आहे. २०२६ च्या या भव्य यात्रोत्सवाच्या पार्श्वभूमीवर भाविकांची सुरक्षा, आरोग्य आणि सोयी-सुविधांमध्ये कोणतीही उणीव भासू नये, यासाठी मा. आमदार शिरीषदादा चौधरी आणि नगराध्यक्ष डॉ परीक्षित बाविस्कर, उप नगराध्यक्ष प्रशांत निकम सह नगरसेवक यांनी प्रत्यक्ष बोरी नदी पात्रातील यात्रा स्थळाची आणि मंदिर परिसराची सखोल पाहणी केली.
नदी पात्रातील नियोजनाचा आढावा
बोरी नदीच्या पात्रात भरणाऱ्या या यात्रेत दरवर्षी लाखो भाविक हजेरी लावतात. यंदा यात्रेचे स्वरूप मोठे असल्याने आमदार शिरीषदादा चौधरी यांनी प्रशासकीय अधिकाऱ्यांसोबत चर्चा करून खालील बाबींवर भर दिला:
मार्ग नियोजन: गर्दी टाळण्यासाठी स्वतंत्र प्रवेश आणि बाहेर पडण्याचे मार्ग.
पिण्याचे पाणी व स्वच्छता: भाविकांसाठी मुबलक शुद्ध पिण्याचे पाणी आणि स्वच्छतेची चोख व्यवस्था.
“अमळनेरची यात्रा ही केवळ धार्मिक उत्सव नसून ती खान्देशच्या संस्कृतीचे दर्शन आहे. भाविकांना दर्शनासाठी तासनतास ताटकळत राहावे लागू नये आणि गर्दीचे नियंत्रण योग्य रीतीने व्हावे, यासाठी आम्ही प्रयत्नशील आहोत.”
— मा. आमदार शिरीषदादा चौधरी
