अमळनेर शहर प्रतिनिधी, येथील सध्या लग्नसराईचे दिवस मोठ्या उत्साहात सुरू असतानाच अमळनेर तालुक्यातील केटरर्स आणि हॉटेल व्यावसायिकांसमोर एक मोठे संकट उभे राहिले आहे. शहरात व्यावसायिक गॅस सिलिंडरचा पुरवठा विस्कळीत झाल्याने स्वयंपाकाचे प्रश्न निर्माण झाले असून, यामुळे शेकडो कुटुंबांच्या उदरनिर्वाहाचा प्रश्न ऐरणीवर आला आहे. या गंभीर समस्येकडे लक्ष वेधण्यासाठी अमळनेर येथील केटरर्स व हॉटेल व्यावसायिकांनी तहसीलदार साहेबांना निवेदन देऊन लवकरात लवकर सिलिंडर उपलब्ध करून देण्याची मागणी केली आहे.
