अमळनेर येथील अंतुर्ली-रंजाने, २४ फेब्रुवारी २०२५ – प्रताप महाविद्यालय, अमळनेरच्या सूक्ष्मजीवशास्त्र विभागाच्या (Microbiology Department) सहकार्याने नवीन माध्यमिक विद्यालय, अंतुर्ली-रंजाने येथे मोफत रक्तगट तपासणी शिबिराचे आयोजन करण्यात आले. या शिबिराचा लाभ इयत्ता ५ वी ते १० वीच्या सर्व विद्यार्थ्यांसह त्यांच्या पालकांना तसेच विद्यालयातील शिक्षक व शिक्षकेतर कर्मचाऱ्यांना मिळाला.
शिबिराची सुरुवात सोमवार, २४ फेब्रुवारी २०२५ रोजी सकाळी ११ वाजता झाली. या कार्यक्रमाला संस्थेच्या चेअरमन सौ. तिलोत्तमा रवींद्र पाटील आणि प्रियंका पाटील यांची प्रमुख उपस्थिती होती. तसेच, विद्यालयाचे मुख्याध्यापक, शिक्षकवृंद आणि शिक्षकेतर कर्मचारी देखील या उपक्रमात सहभागी झाले.
विद्यार्थ्यांनी आणि पालकांनी रक्तगट तपासणीचा मोठ्या संख्येने लाभ घेतला. आरोग्यविषयक जनजागृती आणि मूलभूत वैद्यकीय तपासणी याचा भाग म्हणून या शिबिराचे आयोजन करण्यात आले होते.
शिबिराच्या यशस्वी आयोजनासाठी प्रताप महाविद्यालय, अमळनेरच्या सूक्ष्मजीवशास्त्र विभागाचे विद्यार्थी आणि प्राध्यापकवृंद यांनी विशेष परिश्रम घेतले.
शिबिरात खालील प्राध्यापकांचा मोलाचा सहभाग होता:
प्रा हेमा भोसले,प्रो. वैशाली महाजन,प्रा स्नेहल गरुड,प्रा आदित्य संकलेचा,प्रा केतकी पाटील,प्रा नेहा महाजन
या शिबिराच्या माध्यमातून विद्यार्थ्यांमध्ये आरोग्याविषयी जागरूकता निर्माण करण्यास मदत झाली. शिबिराच्या यशस्वी आयोजनाबद्दल मुख्याध्यापकांनी प्रताप महाविद्यालय, अमळनेर आणि सूक्ष्मजीवशास्त्र विभागाच्या संपूर्ण टीमचे आभार मानले.
