अमळनेर स्थानकावर उधना–अमरावती सुपरफास्ट एक्स्प्रेसचे जल्लोषात स्वागत; खासदार स्मिताताई वाघ यांच्या प्रयत्नांना यश

अमळनेर:जळगाव लोकसभा मतदारसंघाच्या खासदार श्रीमती स्मिताताई उदय वाघ यांच्या सातत्यपूर्ण पाठपुराव्यातून मंजूर झालेल्या ‘उधना–अमरावती सुपरफास्ट स्पेशल एक्स्प्रेस’चे अमळनेर रेल्वे स्थानकावर उत्साहात स्वागत करण्यात आले. यावेळी उपस्थितांनी हिरवा झेंडा दाखवून गाडी पुढील प्रवासासाठी रवाना केली.

सदर विशेष गाडी प्रायोगिक तत्त्वावर एका महिन्यासाठी सुरू करण्यात आली असून, प्रवाशांचा प्रतिसाद पाहून ती नियमित दररोज चालवण्याबाबत निर्णय घेतला जाणार आहे. या नव्या सेवेमुळे अमळनेर व परिसरातील प्रवाशांना मोठा दिलासा मिळाला आहे.

या स्वागतप्रसंगी मंडल अध्यक्ष जिजाबराव पाटील, माजी अध्यक्ष हरचंद लांडगे, माजी झेड.आर.सी. सदस्य प्रितपाल बग्गा, युवा मोर्चा अध्यक्ष राहुल चौधरी, दिलीप ठाकूर, दीपक भोई, सुरेश बाविस्कर, सुभाष पाटील, कैलास पाटील, शेखर कुलकर्णी यांच्यासह विविध पदाधिकारी, कार्यकर्ते आणि प्रवासी मोठ्या संख्येने उपस्थित होते.

Leave a Reply

Your email address will not be published. Required fields are marked *

error: Content is protected !!