अमळनेर प्रतिनिधी : अमळनेर नगर परिषदेच्या अधिकृत नावाचा, शिक्क्यांचा आणि वरिष्ठ अधिकाऱ्यांच्या कथित बनावट स्वाक्षऱ्यांचा वापर करून मोठ्या प्रमाणावर बोगस बांधकाम परवानग्या दिल्याचा धक्कादायक प्रकार समोर आला आहे. या प्रकरणामुळे शहरातील राजकीय आणि प्रशासकीय वर्तुळात मोठी खळबळ उडाली आहे. प्राथमिक माहितीनुसार, सुमारे ४० ते ५० बांधकाम परवानग्या संशयाच्या घेऱ्यात असून, या संपूर्ण प्रकरणात ‘अजय पाटील’ नामक खाजगी अभियंत्याची भूमिका संशयास्पद असल्याची चर्चा आहे.

