अमळनेर : तालुक्यातील मांडळ गावाजवळ पांझरा नदीवर असलेल्या सुमारे २०० वर्षांपूर्वीच्या ब्रिटिशकालीन दगडी बंधाऱ्याची दुरवस्था झाली असून, बंधाऱ्याला ठिकठिकाणी तडे गेल्याने मोठ्या प्रमाणात पाणीगळती होत आहे. त्यातच पांझरा नदीपात्रातून होत असलेल्या बेसुमार अवैध वाळू उपशामुळे नदीची जलपातळी घटण्याची भीती व्यक्त होत असून, भविष्यात परिसरातील गावांवर पाणीटंचाईचे संकट ओढवण्याची शक्यता ग्रामस्थांकडून व्यक्त केली जात आहे.

