आज अमळनेरमध्ये शिवसेना संपर्क कार्यालयाचे लोकार्पण व विविध विकासकामांचा भूमिपूजन सोहळा! मंत्री गुलाबराव पाटील यांच्या हस्ते होणार उद्घाटन व भूमिपूजन; उपमुख्यमंत्री एकनाथ शिंदे यांच्या आशीर्वादाने भव्य कार्यक्रमाचे आयोजन

 अमळनेर (प्रतिनिधी) : अमळनेर शहराच्या विकासाला नवी दिशा देणाऱ्या विविध विकासकामांचा लोकार्पण व भूमिपूजन सोहळा शनिवार, दिनांक २१ नोव्हेंबर २०२६ रोजी आयोजित करण्यात आला आहे. महाराष्ट्र राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री ना. गुलाबरावजी पाटील यांच्या शुभहस्ते हा सोहळा संपन्न होणार आहे. तसेच शिवसेना मुख्यनेते तथा महाराष्ट्र राज्याचे उपमुख्यमंत्री मा. ना. श्री. एकनाथजी शिंदे यांच्या आशीर्वादाने या कार्यक्रमाचे आयोजन करण्यात आले आहे.

अमळनेर नगरपरिषदेच्या हद्दीतील फायनल प्लॉट क्रमांक १२३, आठवडे बाजार येथे उभारण्यात येणाऱ्या अद्ययावत बाजार ओट्याचे तसेच शिवसेना संपर्क कार्यालयाचे लोकार्पण व भूमिपूजन या कार्यक्रमात करण्यात येणार आहे. यासोबतच विविध विकासकामांचाही शुभारंभ होणार असल्याने अमळनेर शहराच्या विकासाच्या दृष्टीने हा कार्यक्रम महत्त्वपूर्ण मानला जात आहे

. मूळ

या कार्यक्रमासाठी संपर्कप्रमुख धुळे लोकसभा तथा अमळनेर विधानसभा मतदारसंघाचे आमदार मा. शिरीषदादा चौधरी आणि लोकनियुक्त नगराध्यक्ष डॉ. परीक्षित बाविस्कर यांनी निमंत्रण दिले आहे.

कार्यक्रमाला आमदार अमोलदादा पाटील, आमदार चंद्रकांतसिंह सोनवणे, आमदार किशोर आप्पा पाटील, आमदार चंद्रकांत पाटील, शिवसेना उपनेते तथा उत्तर महाराष्ट्राचे संपर्कप्रमुख संजयदादा पवार, तसेच जिल्ह्यातील विविध लोकप्रतिनिधी, पदाधिकारी व मान्यवर उपस्थित राहणार आहेत.

याशिवाय अमळनेर नगरपरिषदेचे मुख्याधिकारी गणेश शिंदे, उपनगराध्यक्ष प्रशांत निकम, बांधकाम सभापती दत्ता पवार, पाणीपुरवठा सभापती कैलास पाटील, आरोग्य सभापती रामकृष्ण पाटील, शिक्षण सभापती गावंडे शेर, महिला व बालकल्याण सभापती स्वाती परदेशी, गटनेते गणेश चौधरी, महेंद्र देशमुख आदी मान्यवरांची विशेष उपस्थिती राहणार आहे.

कार्यक्रमाचे ठिकाण व वेळ : शनिवार, २१ नोव्हेंबर २०२६ रोजी दुपारी ४ वाजता, शिवसेना संपर्क कार्यालय, फायनल प्लॉट क्रमांक १ ते २६, श्रीरंग विनायक सावंत हब, धुळे रोड, अमळनेर येथे हा सोहळा पार पडणार आहे.

या लोकार्पण व भूमिपूजन सोहळ्यास अमळनेर शहरातील सर्व सन्माननीय नागरिक, नगरसेवक, महिला, युवक, शिवसैनिक व पदाधिकारी यांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

Leave a Reply

Your email address will not be published. Required fields are marked *

error: Content is protected !!