नाशिक (प्रतिनिधी) : महाराष्ट्रातील दुष्काळी परिस्थितीच्या पार्श्वभूमीवर गोरगरीब आणि सर्वसामान्य जनतेच्या अडचणींकडे प्रशासनाचे लक्ष वेधण्यासाठी अखिल भारतीय भ्रष्टाचार निर्मूलन संघर्ष समितीच्या शिष्टमंडळाने नाशिक जिल्हाधिकारी कार्यालयात धडक दिली. समितीचे जनरल सेक्रेटरी तथा नाशिकभूषण अमोलभाऊ भागवत यांच्या प्रमुख उपस्थितीत अतिरिक्त जिल्हाधिकारी हेमांगी पाटील यांच्याशी चर्चा करून दुष्काळग्रस्तांसाठी तातडीच्या उपाययोजनांची मागणी करण्यात आली.

