अमळनेर : गत ३१ जुलै रोजी आलेल्या भीषण पुरामुळे शहराची मुख्य जलवाहिनी वाहून गेली होती. परिणामी, संपूर्ण शहराचा पाणीपुरवठा ठप्प होऊन अमळनेरकरांचे मोठे हाल होत होते. नागरिकांची ही गंभीर समस्या ओळखून नगरपरिषद प्रशासनाने तातडीने युद्धपातळीवर दुरुस्तीचे काम हाती घेतले. अधिकारी व कर्मचाऱ्यांच्या अहोरात्र परिश्रमानंतर ही मुख्य जलवाहिनी पूर्ववत जोडण्यात यश आले असून शहराचा पाणीपुरवठा सुरळीत सुरू झाला आहे.
