स्वाभिमानी मराठा महासंघाच्या पारोळा तालुका महिला आघाडी अध्यक्षपदी भाग्यश्री पाटील यांची निवड

पारोळा (विशेष प्रतिनिधी): आंतरराष्ट्रीय स्वाभिमानी मराठा महासंघाच्या पारोळा तालुका महिला आघाडी अध्यक्षपदी श्रीमती भाग्यश्री पाटील यांची नुकतीच निवड करण्यात आली आहे. जळगाव जिल्हाध्यक्ष श्री. देवेंद्रजी देशमुख यांच्या शिफारशीनुसार संस्थापक डॉ. कृषीराज टकले पाटील यांच्या मान्यतेने ही नियुक्ती जाहीर करण्यात आली.

मराठा समाजाच्या न्याय्य हक्कासाठी, स्वाभिमानासाठी आणि संघटनेच्या बळकटीकरणासाठी भाग्यश्री पाटील यांचे योगदान नेहमीच मोलाचे राहिले आहे. या निवडीच्या माध्यमातून मराठा समाजातील शेतकरी, महिला, विद्यार्थी व तरुणांच्या समस्या सोडवण्यासाठी संघटनात्मक पातळीवर प्रभावी कार्य केले जाईल, असा विश्वास व्यक्त करण्यात आला आहे.

त्यांच्या या निवडीबद्दल राष्ट्रीय अध्यक्ष एम. के. बीएनआर सागर जी, महिला आघाडी राष्ट्रीय अध्यक्ष कोकिळा पवार यांच्यासह महासंघाच्या राष्ट्रीय व राज्य कार्यकारिणीच्या पदाधिकाऱ्यांनी त्यांचे मनःपूर्वक अभिनंदन केले. त्यांच्या या नव्या जबाबदारी मुळे पारोळा तालुक्यासह संपूर्ण जळगाव जिल्ह्यात स्वाभिमानी मराठा महासंघाचे कार्य अधिक वेगाने आणि प्रभावीपणे पोहोचेल, असा विश्वास व्यक्त करत सर्व स्तरांतून त्यांच्यावर स्वाभिमानी शुभेच्छांचा वर्षाव होत आहे.