माजी SPG कमांडो अरविंद बैसाणे यांची B. BOYS बॉक्सिंग अकॅडमीला भेट; खेळाडूंना दिले महत्त्वाचे मार्गदर्शन

अमळनेर : स्थानिक B. BOYS बॉक्सिंग अकॅडमी, अमळनेर येथे दि. २८ जुलै रोजी एक विशेष मार्गदर्शनाचा कार्यक्रम पार पडला. या प्रसंगी भारताचे माजी पंतप्रधान डॉ. मनमोहन सिंग आणि पंतप्रधान नरेंद्र मोदी यांच्या विशेष सुरक्षा दलात (SPG) सेवा बजावलेले माजी SPG कमांडो अरविंद बैसाणे यांनी अकॅडमीला सदिच्छा भेट देऊन खेळाडूंशी संवाद साधला.

    या भेटीदरम्यान अरविंद बैसाणे यांनी उपस्थित बॉक्सर विद्यार्थ्यांना करिअरमधील ध्येयनिश्चिती, खेळातील शिस्त आणि सुरक्षेच्या विविध पैलूंबाबत अत्यंत मोलाचे व प्रेरणादायी मार्गदर्शन केले. खेळाडूंनी कठोर परिश्रम आणि जिद्दीच्या जोरावर देशाचे नाव उज्ज्वल करावे, असा संदेश त्यांनी यावेळी दिला.

   कार्यक्रमाच्या शेवटी B. BOYS बॉक्सिंग अकॅडमीचे प्रशिक्षक भूपेंद्र शिरसाठ यांनी माजी कमांडो अरविंद बैसाणे यांच्या मार्गदर्शनाबद्दल मनःपूर्वक आभार व्यक्त केले.

   या प्रसंगी अकॅडमीतील उदय मिस्त्री, कुणाल पवार, आदित्य संदानशिव, सार्थक अहिरे, सम्राट बिऱ्हाडे, नमन संदानशिव, हर्षदीप जाधव, उझेर शेख, साई गुरव, यश पाटील, निल संदानशिव, अमन सय्यद आणि यश संदानशिव या खेळाडूंसह इतर बॉक्सर उपस्थित होते.