अमळनेर : येथील भगवा चौक परिसरात वीज दुरुस्तीचे काम करत असताना अचानक वीज प्रवाह सुरू झाल्याने महावितरणचे कर्मचारी शरद गोसावी यांचा विजेचा तीव्र धक्का लागून दुर्दैवी मृत्यू झाला. या घटनेमुळे संतप्त झालेल्या नातेवाईकांनी व ग्रामस्थांनी दोषींवर तत्काळ कडक कारवाईच्या मागणीसाठी मृतदेह थेट तहसीलदार कार्यालयात आणून ठिय्या मांडल्याने परिसरात काही काळ तीव्र तणावाचे वातावरण निर्माण झाले होते.
