अमळनेर:शहरातील दाजीबा नगर परिसरामध्ये एका अनोळखी तरुणाचा मृतदेह बेवारस स्थितीत आढळून आल्याने परिसरात खळबळ उडाली आहे. अमळनेर पोलीस स्टेशनमध्ये याप्रकरणी अकस्मात मृत्यूची नोंद करण्यात आली असून पोलीस मृताच्या वारसांचा शोध घेत आहेत.
मिळालेल्या माहितीनुसार, दिनांक २ जून २०२६ रोजी सायंकाळी ६:०० वाजेच्या सुमारास दाजीबा नगर येथील कच्च्या रस्त्याच्या बाजूला एका २५ ते ३० वर्षे वयोगटातील अनोळखी पुरुषाचे प्रेत आढळून आले.
मृताचे वर्णन खालीलप्रमाणे आहे:
वय: अंदाजे २५ ते ३० वर्षे
रंग: सावळा
उंची: अंदाजे ५ फूट ३ इंच
चेहरा व नाक: लांबट चेहरा आणि सरळ नाक
केस: काळे
अंगातील कपडे: निळसर रंगाचा टी-शर्ट आणि राखाडी (ग्रे) रंगाची पॅन्ट
इतर खूण: उजव्या हातात स्टीलचे कडे आणि लाल दोरा बांधलेला आहे.
