अमळनेर : समाजसेवा, आरोग्य, शिक्षण, पर्यावरण आणि विविध लोकहिताच्या उपक्रमांद्वारे गेली ५८ वर्षे शहरात एक वेगळी आणि आदर्श ओळख निर्माण करणाऱ्या लायन्स क्लब, अमळनेरचा सन २०२६-२७ या वर्षासाठीचा नूतन कार्यकारिणीचा ५८ वा पदग्रहण सोहळा शनिवारी सायंकाळी बन्सीलाल पॅलेस येथे अत्यंत उत्साहपूर्ण वातावरणात पार पडला. ज्येष्ठ लायन नेते तथा पास्ट मल्टिपल कौन्सिल चेअरपर्सन (पुणे) एमजेएफ लायन द्वारकाप्रसाद जालन यांच्या हस्ते नूतन पदाधिकाऱ्यांना अधिकृतपणे पदाची शपथ देण्यात आली.
या दिमाखदार सोहळ्यात नूतन अध्यक्ष म्हणून लायन जितेंद्र पारख, सचिव म्हणून प्रा. जयेश गुजराथी, तर खजिनदार म्हणून लायन कुमारपाल कोठारी यांनी आपला पदभार स्वीकारला.
