अमळनेर: “आपल्या मुला-मुलींना केवळ नाजूक बनवण्यापेक्षा, कोणत्याही संकटाचा सामना करणारा गर्जणारा छावा बनवा,” हाच उदात्त हेतू डोळ्यासमोर ठेवून अमळनेर शहरात प्रथमच ‘बी. बॉईज बॉक्सिंग अकॅडमी’ (B. BOYS Boxing Academy) च्या माध्यमातून बॉक्सिंग प्रशिक्षणाला सुरुवात झाली आहे. या अकॅडमीमुळे अमळनेरमधील तरुण पिढीला आणि विशेषतः मुलींना स्व-संरक्षणाचे (Self Defense) उत्तम बळ मिळणार आहे.

खेळासोबतच सुरक्षेचे धडे

आजच्या काळात संकट सांगून येत नाही. अशा वेळी स्वतःचे रक्षण स्वतः करता येणे अत्यंत गरजेचे झाले आहे. हीच गरज ओळखून या अकॅडमीमध्ये अधिकृत बॉक्सिंग स्पर्धांच्या प्रशिक्षणासोबतच, अचानक उद्भवणाऱ्या संकटातून सुरक्षितपणे सुटका करून घेण्यासाठी ‘रोड फाईट टेक्निकल’ (स्व-सुरक्षा) चे विशेष तंत्रशुद्ध शिक्षण दिले जाणार आहे. मुला-मुलींचा आत्मविश्वास वाढवणे आणि त्यांना शारीरिक व मानसिकदृष्ट्या सक्षम बनवणे हा या प्रशिक्षणाचा मुख्य उद्देश आहे.

प्रवेशाचे निकष आणि वेळ:

वयोमर्यादा: ५ वर्षांवरील सर्व वयोगटातील मुला-मुलींसाठी तसेच इच्छुकांसाठी प्रवेश खुला आहे.

वेळ: दररोज संध्याकाळी ६.०० ते ७.०० वाजेदरम्यान.

ठिकाण: प्रबुद्ध कॉलनी, बुद्ध विहार, अमळनेर.

शहरातील पालकांनी आपल्या पाल्यांना शारीरिकदृष्ट्या बळकट आणि आत्मनिर्भर बनवण्यासाठी आजच आपला प्रवेश निश्चित करावा, असे आवाहन अकॅडमीचे संचालक मास्टर भूपेंद्र शिरसाठ यांच्या वतीने करण्यात आले आहे.

प्रवेशासाठी आणि अधिक माहितीसाठी संपर्क:

📞 ९७०२७३०३०४