अमळनेर ,अमळनेर शहर आणि तालुक्यासाठी आजचा दिवस अत्यंत घातकी आणि वेदनादायी ठरला आहे. वेगवेगळ्या ठिकाणी झालेल्या तीन भीषण अपघातांमध्ये एकाच दिवसात तब्बल ७ जणांना आपले प्राण गमवावे लागले आहेत. या लागोपाठ झालेल्या दुर्घटनांमुळे संपूर्ण अमळनेर तालुक्यात दुःखाचे तांडव माजले असून, सर्वत्र तीव्र हळहळ व्यक्त केली जात आहे.
१. मंगरूळनजीक तिहेरी अपघातात ६ जणांचा मृत्यू; साखरपुड्याचा आनंद शोकात बदलला
सर्वात मोठी आणि भीषण दुर्घटना अमळनेर-धुळे रस्त्यावरील मंगरूळ गावाजवळ घडली. येथे एस.टी. बस, चारचाकी (कार) आणि दुचाकी यांच्यात झालेल्या तिहेरी अपघातात तब्बल ६ जणांचा जागीच मृत्यू झाला.
साखरपुड्यासाठी येत होता परिवार:
अपघातातील मृत व्यक्ती हे सुरत येथील रहिवासी असलेले ‘महाजन परिवार’ होते. आपल्या भाच्याच्या साखरपुड्याच्या आनंदाच्या सोहळ्यासाठी ते कारने अमळनेरकडे येत होते. मात्र, अमळनेर गाठण्यापूर्वीच काळाने त्यांच्यावर झडप घातली. एका क्षणात आनंदाचे वातावरण कारुण्यात बदलले.
मृत्यू मुखी पडलेल्या व्यक्तींची नावे
1) सुरेश विक्रम माळी वय 52 वर्षे, रा. व्यारा (गुजरात)
2) नंदलाल गोपाल महाजन वय 60 वर्षे, रा. व्यारा (गुजरात)
3) निर्मलाबाई नंदलाल महाजन वय 54 वर्षे, रा. व्यारा (गुजरात)
4) अनिता सुरेश महाजन वय 40 वर्षे रा. व्यारा (गुजरात)
5) निलेश सुकदेव तावडे वय 25 वर्षे, रा. मालपुर ता. शिंदखेडा,
6) फाल्गुनी एकनाथ भोई वय 21 वर्षे, रा. धरणगांव ता. धरणगांव
जखमीचे नाव-
1) आदित्य चंद्रकांत महाजन वय 23 वर्षे रा. व्यारा (गुजरात)
2) दिपक दिलीप पाटील वय 44 वर्षे, रा. मंगरुळ ता. अमळनेर
