धुळ्याचे ‘शिस्तप्रिय’ पोलीस अधीक्षक श्रीकांत ढिवरे यांची जळगावला बदली; गुन्हेगारांचे धाबे दणाणले

    जळगाव: आपल्या अभ्यासू, संयमी आणि तितक्याच कर्तव्यदक्ष कार्यपद्धतीमुळे ओळखले जाणारे धुळ्याचे पोलीस अधीक्षक श्रीकांत ढिवरे यांची जळगाव जिल्हा पोलीस अधीक्षक पदी बदली झाली आहे. या नियुक्तीमुळे जळगाव जिल्ह्याला एक शिस्तप्रिय आणि अभ्यासू अधिकारी लाभला असून, सर्वसामान्य नागरिकांमध्ये सुरक्षेची भावना अधिक वृद्धिंगत झाली आहे.

​धुळ्यात गुन्हेगारांचा कर्दनकाळ आणि प्रशासनावर पकड धुळे सारख्या अतिसंवेदनशील जिल्ह्यात आपल्या कार्यकाळाचा ठसा उमटवताना ढिवरे यांनी गुन्हेगारी जगतावर मोठी जरब बसवली होती. केवळ गुन्हेगारांचेच नव्हे, तर पोलीस दलातील बेशिस्त कर्मचारी आणि अधिकारी यांनाही त्यांनी शिस्तीचे धडे देऊन वठणीवर आणले. यामुळेच त्यांची पोलीस प्रशासनात एक ‘शिस्तप्रिय अधिकारी’ म्हणून स्वतंत्र ओळख निर्माण झाली आहे

​राजकीय वर्तुळातूनही पसंती श्रीकांत ढिवरे यांनी जळगाव जिल्ह्याची धुरा सांभाळावी, यासाठी जिल्ह्यातील अनेक उच्चपदस्थ राजकीय नेत्यांनी व धोरणकर्त्यांनी प्रयत्न केल्याची चर्चा आहे. जळगाव जिल्ह्याचा भौगोलिक विस्तार आणि येथील कायदा-सुव्यवस्थेची गुंतागुंत पाहता, ढिवरे यांच्यासारख्या अनुभवी अधिकाऱ्याची गरज व्यक्त केली जात होती.

​जळगावकरांच्या अपेक्षा उंचावल्या जळगाव जिल्ह्यात वाढती गुन्हेगारी आणि अवैध धंद्यांचे समूळ उच्चाटन करण्यासाठी श्रीकांत ढिवरे काय पावले उचलतात, याकडे आता संपूर्ण जिल्ह्याचे लक्ष लागून आहे. त्यांच्या नियुक्तीमुळे गुन्हेगारांचे धाबे दणाणले असून, एका अभ्यासू अधिकाऱ्याच्या स्वागतासाठी जळगावकर सज्ज झाले आहेत.