अंमळनेरात खान्देश प्रीमियर लीग 2026 (KPL) चे 19 ते 29 मार्च दरम्यान दिमाखदार आयोजन….

      अमळनेर : खान्देशातील क्रिकेटप्रेमींसाठी मोठी आनंदाची बातमी असून खान्देश प्रीमियर लीग 2026 (KPL) या भव्य क्रिकेट स्पर्धेचे आयोजन करण्यात आले आहे. खान्देशातील सर्वात मोठी क्रिकेट रणधुमाळी म्हणून ओळखल्या जाणाऱ्या या स्पर्धेला 19 मार्च 2026 पासून सुरुवात होणार असून 29 मार्च 2026 रोजी अंतिम सामना खेळवण्यात येणार आहे. या सामन्याला भारतीय क्रिकेट संघ, रणजी ट्रॉफी, आयपीएल यांतील खेळाडूंची उपस्थिती मिळण्याची शक्यता आहे.

   या स्पर्धेत संपूर्ण भारतातून संघांना सहभागी होता येणार असून क्रिकेटपटूंना आपले कौशल्य दाखवण्याची मोठी संधी उपलब्ध होणार आहे. स्पर्धेतील सामने 10-10 षटकांचे (ओव्हर) असतील.

खान्देश प्रीमियर लीग 2026 मध्ये विजेत्या संघासाठी आकर्षक रोख बक्षिसे जाहीर करण्यात आली आहेत.

प्रथम बक्षीस: ₹1,00,000

द्वितीय बक्षीस: ₹51,000

तृतीय बक्षीस: ₹31,000

स्पर्धेसाठी नोंदणी शुल्क ₹21,000 इतके ठेवण्यात आले आहे.

या स्पर्धेत सहभागी होण्यासाठी संघांनी 28 फेब्रुवारी 2026 पर्यंत नोंदणी करणे आवश्यक आहे. नोंदणीसाठी आधार कार्ड अनिवार्य असून, संघाची अधिकृत नोंदणी करणे बंधनकारक राहील.

सर्व सामने तालुका क्रीडा संकुल, अमळनेर, जिल्हा जळगाव (महाराष्ट्र) येथे खेळवण्यात येणार आहेत.

नोंदणी व अधिक माहितीसाठी खालील क्रमांकावर संपर्क साधावा:

📞 9579764004 | 9145442324

    आयोजकांनी दिलेल्या माहितीनुसार पंच आणि समितीचा निर्णय अंतिम राहील. कोणत्याही दुखापतीस खेळाडू स्वतः जबाबदार असतील. तसेच कोणत्याही प्रकारच्या गैरवर्तनास कडक कारवाई करण्यात येणार आहे.

    खान्देशातील क्रिकेटला नवी दिशा देणारी ही स्पर्धा पाहण्यासाठी व सहभागी होण्यासाठी क्रिकेटप्रेमींमध्ये उत्साहाचे वातावरण निर्माण झाले आहे.