अनुदानात गैरव्यवहार केल्या प्रकरणी दोन तलाठी, महसूल सहाय्यक निलंबीत तर कोतवाल अटकेत… जिल्हाधिकाऱ्यांनी चौकशी अंती केली कारवाई

      जळगाव : अतिवृष्टीच्या पारश्वभूमीवर शेतकऱ्यांना शासनामार्फत दिल्या जाणाऱ्या आर्थिक मदतीच्या अनुदानात जिल्ह्यातील मुक्ताईनगर तालुक्यातील दोन तलाठी, एक महसूल सहाय्यक यांना जिल्हाधिकारी श्री रोहन घुगे यांनी आलेल्या तक्रारी वरून सखोल चौकशी करून निलंबित केले तर कोतवाल यास अटक करण्यात आले.

सविस्तर वृत्त की, मुक्ताई नगर चे आमदार चंद्रकांत पाटील यांनी तालुक्यातील अतिवृष्टी बाधित शेतकऱ्यांना दिल्या जाणाऱ्या अनुदान वितरणात लाखो रुपयांचा अपहार झाल्याचा आरोप करत संबंधित कागदपत्रांसह पुरावे महसूल प्रशासनाकडे सादर केले होते. या आरोपांवर जिल्हाधिकारी घुगे यांनी तातडीने चौकशी समिती स्थापन करून प्रकरणाची सखोल तपासणी केली. समितीचा अहवाल जिल्हाधिकाऱ्यांना प्राप्त होताच सोमवारी तीन कर्मचाऱ्यां विरोधात निलंबनाची कारवाई करण्यात आली. यात बोरखेडा (ता. मुक्ताईनगर) तलाठी महेंद्र वंजारी, उंचदा येथील तत्कालीन तलाठी कृष्णकुमार ठाकूर (सध्या पारोळा येथे सेवारत) व मुक्ताईनगर तहसील कार्यालयातील महसूल सहाय्यक मनीष बेंडाळे यांचा समावेश आहे. या प्रकरणात उचंदा येथील कोतवाल राहुल सोनवणे यांना दि. ९ रोजी अटक करण्यात आली असल्याचे कळतं .