अमळनेर : तालुक्यात यंदा मान्सूनचे उशिरा आगमन, त्यानंतर पावसात पडलेले दीर्घ खंड आणि पावसाचे असमान वितरण यामुळे खरीप पिकांची अवस्था गंभीर झाली आहे. पावसाची आकडेवारी समाधानकारक दिसत असली, तरी प्रत्यक्ष शेतशिवारातील परिस्थिती वेगळी असून उत्पादनात मोठी घट होण्याची शक्यता आहे. त्यामुळे तालुक्यातील शेतकऱ्यांना सरसकट हेक्टरी आर्थिक मदत अथवा अनुदान द्यावे, अशी मागणी अमळनेर तालुका काँग्रेस कमिटीने उपविभागीय अधिकाऱ्यांकडे निवेदनाद्वारे केली.
