अमळनेर येथे बंद घर फोडून ४० हजारांच्या रोकडसह सोन्याचे दागिने लंपास

अमळनेर : शहरातील मातोश्री नगर परिसरात अज्ञात चोरट्यांनी एका बंद घराला लक्ष्य करत सुमारे ३५ ते ४० ग्रॅम सोन्याचे दागिने आणि ४० हजार रुपयांची रोख रक्कम लंपास केल्याची घटना उघडकीस आली आहे.

​मातोश्री नगरातील चामुंडा माता मंदिराजवळ राहणारे युगल जगदीश वैष्णव हे कामानिमित्त बाहेरगावी गेले होते. त्यांच्या अनुपस्थितीचा फायदा घेत अज्ञात चोरट्यांनी घराचा दरवाजा व कुलूप तोडून आत प्रवेश केला. घरातील लॉकर उघडून चोरट्यांनी सोन्याची माळ, १० ग्रॅमची चैन, बांगड्या असा एकूण ३५ ते ४० ग्रॅम वजनाचा सोन्याचा ऐवज व ४० हजार रुपयांची रोख रक्कम चोरून नेली.

​घटनेची माहिती मिळताच अमळनेर पोलिसांनी घटनास्थळी धाव घेऊन पाहणी केली. या प्रकरणी तक्रारदार युगल वैष्णव यांनी तात्काळ तपासाची मागणी केली असून, पोलीस परिसरातील सीसीटीव्ही फुटेज, बोटांचे ठसे व तांत्रिक पुराव्यांच्या आधारे अज्ञात चोरट्यांचा कसून शोध घेत आहेत. या धाडसी चोरीमुळे परिसरात नागरिकांमध्ये भीतीचे वातावरण पसरले आहे.