🚩 नव्या दमाची, नव्या जोशाची युवासेना! राहुल कंजर यांच्या नेतृत्वाखाली अमळनेर तालुका युवासेना आता ‘फुल फॉर्म’मध्ये!”

     अमळनेर : शिवसेना मुख्य नेते तथा राज्याचे मुख्यमंत्री ना. एकनाथजी शिंदे यांच्या मार्गदर्शनाखाली आणि युवासेना जिल्हाप्रमुख रोहित कोगटा यांच्या नेतृत्वाखाली अमळनेर तालुका व शहर युवासेनेची नूतन कार्यकारिणी नुकतीच जाहीर करण्यात आली आहे. या निवडीमुळे तालुक्यात युवा कार्यकर्त्यांमध्ये नवचैतन्य निर्माण झाले असून, भगव्याची जबाबदारी युवानेते राहुल कंजर यांच्या खांद्यावर सोपवण्यात आली आहे.

     वंदनीय शिवसेनाप्रमुख बाळासाहेब ठाकरे यांच्या विचारांनी प्रेरित होऊन, संसदरत्न खा. श्रीकांतजी शिंदे, युवासेना कार्याध्यक्ष पूर्वेशजी सरनाईक आणि युवासेना सचिव किरण साळी यांच्या आदेशानुसार ही कार्यकारिणी गठित करण्यात आली आहे. जिल्हाप्रमुख रोहित कोगटा यांच्या स्वाक्षरीचे नियुक्ती पत्र नुकतेच कार्यालयातून प्राप्त झाले आहे.

नूतन पदाधिकारी खालीलप्रमाणे:

तालुका प्रमुख.             : राहुल भास्कर कंजर

विधानसभा क्षेत्र प्रमुख.  : पंकज शेटे

शहर प्रमुख.                  : प्रविण पाटील

उपशहर प्रमुख.              : करण चव्हाण,

                                    शेख अल्ताप,

                                    तुषार सोनार

शहर संघटक.                : राकेश लांडगे

उपशहर संघटक.            : यश साळुंखे

कॉलेज कक्ष प्रमुख.         : शंतनु भावसार

कॉलेज कक्ष सचिव.         : गौरव पाटील

सोशल मीडिया प्रमुख.      : खेमचंद सुर्यवंशी

नेत्यांकडून अभिनंदनाचा वर्षाव

या निवडीबद्दल राज्याचे पाणीपुरवठा व स्वच्छता मंत्री ना. गुलाबराव पाटील, माजी आमदार शिरीषदादा चौधरी, आ. किशोर आप्पा पाटील, आ. अमोल दादा पाटील, आ. चंद्रकांत अण्णा सोनवणे, आ. चंद्रकांत भाऊ पाटील, माजी खा. उन्मेश दादा पाटील, जिल्हाप्रमुख वासुदेव भाऊ पाटील, सरिता ताई माळी, नगराध्यक्ष डॉ. परिक्षीत बाविस्कर यांनी नवनियुक्त पदाधिकाऱ्यांचे अभिनंदन केले आहे.

तसेच शिवसेना तालुका प्रमुख गुलाब पाटील, उपजिल्हाप्रमुख प्रथमेश पवार, विधानसभा क्षेत्रप्रमुख सुरेश पाटील, शहर प्रमुख भरत पवार आणि विलास कंखरे यांनी देखील या निवडीचे स्वागत करून पुढील वाटचालीस शुभेच्छा दिल्या आहेत.

युवाशक्तीचा नवा उत्साह

“युवा कार्यकर्त्यांची ही नवी फळी निर्माण झाल्यामुळे ग्रामीण आणि शहरी भागातील नवमतदार मोठ्या संख्येने संघटनेशी जोडले जातील. पक्षाची ध्येयधोरणे तळागाळापर्यंत पोहोचवण्यासाठी ही टीम सक्षमपणे कार्य करेल,” असा विश्वास शिवसेना तालुका प्रमुख गुलाब पाटील यांनी व्यक्त केला.

या नियुक्त्यांमुळे अमळनेर परिसरातील शिवसैनिकांमध्ये उत्साहाचे वातावरण असून ठिकठिकाणी नवनियुक्त पदाधिकाऱ्यांचे स्वागत केले जात आहे.