विश्व मानव केंद्र, अमळनेर शाखेत नूतन प्रबंधक कार्यकारिणी जाहीर

अमळनेर येथील विश्व मानव रुहानी केंद्र, अमळनेर शाखेच्या सेवाकार्याला गती देण्यासाठी केंद्राचे नवानगर (हरियाणा) येथील मुख्यालया कडून नूतन प्रबंधक कार्यकारिणीची (व्यवस्थापन समिती) नुकतीच घोषणा करण्यात आली.केंद्राचे नावानगर मुख्यलायातील महासचिव हरजीत कौर यांच्या हस्ते ही नियुक्ती घोषित झाली असून, त्या संदर्भातील पत्र नुकतेच अमळनेर मानव केंद्रास प्राप्त झाले होते.

या नूतन कार्यकारिणीचा पदग्रहण सोहळा रविवारच्या सत्संग कार्यक्रमात उत्साहात संपन्न झाला. यावेळी तालुक्यातील राज्य निगरान समितीचे सदस्य श्री. राजेश सोनार यांच्या हस्ते नूतन नऊ सदस्यीय टीमला त्यांच्या पदाचा कार्यभार सोपवण्यात आला.

नूतन कार्यकारिणीमध्ये समावेश असलेले सदस्य योगेश कुमावत,रविंद्र बोरसे,आनंदा पाटील (नांदगाव),रामचंद्र पाटील (मुडी),ज्ञानेश्वर पाटील (मांडळ),मुकेश जगदाळे तांबेपुरा,श्रीराम गांगुर्डे पैलाड,समाधान पाटील तळवाडे,चेतन वानखेडे मांडळ यांची निवड झाली.

या महत्त्वपूर्ण सोहळ्याप्रसंगी अमळनेर तालुक्यातील सत्संगी मोठ्या संख्येने उपस्थित होते.

पदग्रहण समारंभानंतर, येत्या १९ तारखेला नवानगर मुख्यलयाच्या (प्रशासकीय मंडळ) GB टीम च्या दौऱ्यासंदर्भात आवश्यक पूर्वतयारी आणि नियोजनावर चर्चा करण्यात आली.

कार्यक्रमाच्या शेवटी उपस्थित सर्व सत्संगींना प्रसाद वितरण करण्यात आले. या नूतन टीमच्या नेतृत्वाखाली केंद्राचे कार्य अधिक प्रभावीपणे चालेल, व मिशन च्या प्रचार-प्रसाराला गती प्राप्त होईल असा विश्वास यावेळी व्यक्त करण्यात आला.

Leave a Reply

Your email address will not be published. Required fields are marked *

error: Content is protected !!