अमळनेर प्रतिनिधी, येथील आधार बहुउद्देशीय संस्था अमळनेर यांच्यामार्फत रूपजी नगर येथे अंगणवाडी सोबत पोषण आहार सप्ताह कार्यक्रम साजरा करण्यात आला.
मुलांना सकस पोषण आहार संतुलित समृद्ध कडधान्य ,पालेभाज्या ,फळांचे महत्व व आहारातील विविध जीवनसत्व याबाबत मार्गदर्शन करण्यात आले.
कार्यक्रमाला अंगणवाडी सेविका कल्पना रामदास सपकाळे आधार संस्थेच्या आधार आरोग्य प्रोजेक्ट मॅनेजर दिप्ती गायकवाड व आरोग्य मित्र हर्षाली पवार आणि पंडित जवाहरलाल नेहरू समाजकार्य महाविद्यालय येथील द्वितीय वर्ष विद्यार्थिनी मोहिनी धनगर, बालगोपाल मंडळी आदी उपस्थित होते.अत्यंत खेळीमेळीच्या वातावरणात हा कार्यक्रम पार पडला.
