समाजकार्य क्षेत्रात प्रा. धनराज ढगे यांची ज्ञानभरारी; पीएच.डी. पदवीने सन्मानित!

     अमळनेर : श्रम साफल्य एज्युकेशन सोसायटी, अमळनेर संचलित समाजकार्य महाविद्यालयातील प्रा. धनराज ढगे यांनी समाजकार्य विषयात पीएच.डी. पदवी प्राप्त करून आपल्या शैक्षणिक यशात मानाचा तुरा रोवला आहे. कवयित्री बहिणाबाई चौधरी उत्तर महाराष्ट्र विद्यापीठ, जळगाव यांच्याकडून त्यांना ही पदवी प्रदान करण्यात आली.

     प्रा. ढगे यांनी प्रा. डॉ. सुनीता चौधरी यांच्या मार्गदर्शनाखाली आपले संशोधन कार्य यशस्वीरीत्या पूर्ण केले. त्यांच्या या यशामुळे महाविद्यालयाच्या शैक्षणिक नावलौकिकात भर पडली असून, समाजकार्य विषयातील संशोधन आणि ज्ञानवृद्धीसाठी त्यांच्या संशोधनाचा निश्चितच उपयोग होईल, अशी अपेक्षा व्यक्त केली जात आहे.

      प्रा. धनराज ढगे यांच्या या उल्लेखनीय यशाबद्दल श्रम साफल्य एज्युकेशन सोसायटीचे चेअरमन अभिजीत भांडारकर, संस्थेचे पदाधिकारी, समाजकार्य महाविद्यालयाचे प्राचार्य डॉ. पी. एस. पाटील, प्राध्यापकवृंद, शिक्षकेतर कर्मचारी आणि मित्रपरिवाराने त्यांचे अभिनंदन केले. तसेच त्यांच्या पुढील शैक्षणिक, संशोधनात्मक आणि सामाजिक वाटचालीस शुभेच्छा दिल्या.

Leave a Reply

Your email address will not be published. Required fields are marked *

error: Content is protected !!