अमळनेर : शेतकऱ्यांच्या कर्जमुक्ती, पीक विमा, कोरडा दुष्काळ यांसारख्या विविध ज्वलंत प्रश्नांवर तसेच पाडळसरे धरणा संदर्भातील मागण्यांवर आवाज उठवण्यासाठी अमळनेर तालुक्यातील अंबासन ढेकू येथे शेतकरी मेळाव्याचे आयोजन करण्यात आले आहे.

    ‘शेतकऱ्यांनी आपल्या हक्काची लढाई लढावी’ या उद्देशाने क्रांतिकारी शेतकरी संघटना, जळगाव जिल्हा यांच्या वतीने या सभेचे आयोजन करण्यात आले आहे.  

    पाडळसरे धरणावर प्रधानमंत्री सिंचन योजनेअंतर्गत पाईपलाईन द्वारे शेतकऱ्यांच्या थेट बांधापर्यंत पाणी पोहोचवण्याच्या योजनेत जानवे-मंगरूळ गट आणि मांडळ-मुडी गटातील शेतकऱ्यांवर झालेल्या अन्यायाविरोधात हा एकत्रित लढा उभारण्यात येत आहे.  

प्रमुख उपस्थिती व मार्गदर्शक:

       या मेळाव्यास क्रांतिकारी शेतकरी संघटनेचे महाराष्ट्र राज्य अध्यक्ष श्री. ईश्वर पाटील (शेतकरी पुत्र उत्तर महाराष्ट्र), जागृत जनमंचचे श्री. शिवराम पाटील (जळगाव), जागल्या सेनेचे श्री. विश्वास पाटील (अमळनेर), तसेच क्रांतिकारी शेतकरी संघटनेचे जिल्हाध्यक्ष श्री. शरद पाटील, जिल्हा कार्याध्यक्ष श्री. कृष्णा पाटील आणि जिल्हा उपाध्यक्ष श्री. उमेश पाटील उपस्थित राहून मार्गदर्शन करणार आहेत.  

कार्यक्रमाची रूपरेषा:

स्थळ: अंबासन ढेकू, ता. अमळनेर, जि. जळगाव  

वार व दिनांक: रविवार, २७ सप्टेंबर २०२६  

वेळ: सायंकाळी ६:०० वाजता  

या हक्काच्या लढ्यामध्ये परिसरातील सर्व शेतकरी बांधवांनी मोठ्या संख्येने उपस्थित राहावे, असे आवाहन आयोजकां तर्फे करण्यात आले आहे.