अमळनेर:महिला व मुलींच्या आत्मरक्षणासाठी आणि त्यांच्यातील आत्मविश्वास वाढवण्यासाठी अमळनेर शहरात प्रथमच एका विशेष उपक्रमाचे आयोजन करण्यात आले आहे. ‘अमळनेर तालुका विकास प्रतिष्ठान’च्या पुढाकाराने आणि त्यांच्या संचलित ‘शिव शंभो आखाडा’ (महिला मंच) अंतर्गत महिलांसाठी आक्रमक लाठी व काठी प्रशिक्षणाची सुरुवात केली जात आहे.
या प्रशिक्षण शिबिराचे वैशिष्ट्य म्हणजे यात सहभागी होणाऱ्या मुली व महिलांसाठी कोणतीही वयोमर्यादा नाही आणि हे संपूर्ण प्रशिक्षण निःशुल्क (मोफत) दिले जाणार आहे.
