अमळनेर :अमळनेर तालुका शेतकरी सहकारी संघ लि. अमळनेरच्या पंचवार्षिक सार्वत्रिक निवडणुकीची (२०२५ ते २०३०) रणधुमाळी आता अंतिम टप्प्यात आली असून, संपूर्ण तालुक्यात **’शेतकरी पॅनल’**चा प्रचंड बोलबाला पाहायला मिळत आहे. प्रचार दरम्यान ग्रामीण आणि शहरी भागातील मतदारांकडून मिळत असलेला उत्स्फूर्त प्रतिसाद पाहता, यंदा मतदारांचा कल स्पष्टपणे शेतकरी पॅनलच्या बाजूने झुकल्याची जोरदार चर्चा राजकीय वर्तुळात रंगली आहे. या वाढत्या जनसमर्थनामुळे शेतकरी पॅनलचे पारडे कमालीचे जड झाले आहे.
अनुभवी आणि दिग्गज उमेदवारांची फळी
शेतकरी पॅनलने अत्यंत विचारपूर्वक आणि समाजाच्या सर्व घटकांना प्रतिनिधित्व देणारे अनुभवी उमेदवार निवडणूक रिंगणात उतरवले आहेत. यामध्ये:
व्यक्तीशः मतदार संघ: ॲड. पाटील गिरीष प्रकाशराव (लोण सीम), प्रा. पाटील सुभाष सुकलाल (शिरुड), पाटील सुरेश पिरन (निंभोरा), प्रा. पवार श्याम साहेबराव (खेडी प्र.ज.), आणि सुर्यवंशी भागवत केशव (खवशी) यांसारखे खंबीर नेतृत्व मैदानात आहे.
महिला राखीव मतदार संघ: पाटील सिंधूबाई प्रताप (अंबारे) व पाटील सुनिता विनायक (एकलहरे).
इतर मागास वर्ग मतदार संघ: प्रा. पवार दिनेश उत्तमराव (गांधली).
अनुसूचित जाती/जमाती मतदार संघ: सुर्यवंशी ताराचंद सिताराम (करणखेडे).
वि. जा. भ. ज. मतदार संघ: भागवत बन्सीलाल आसाराम (लोंढवे).
