नगरसेवक चौघुले यांच्या उपस्थितीत सार्वत्रिक लसीकरण संपन्न….

अमळनेर येथील मिलचाळ भागातील प्रभाग क्रमांक ६ मध्ये महाराष्ट्र शासन व नगरपरिषद यांच्या संयुक्त विद्यमाने लहान बाळांसाठी सार्वत्रिक लसीकरण कार्यक्रम संपन्न झाला. या कार्यक्रमांतर्गत दीड महिन्यापासून ते पाच वर्षांपर्यंत तसेच सोळा वर्षांपर्यंतच्या बालकांना मोफत लसीकरण करण्यात येते.

    सदर कार्यक्रम प्रभागातील नगरसेवक श्री. दीपक भाऊ चौगुले यांच्या अध्यक्षतेखाली पार पडला. यावेळी मोहन भाऊ सातपुते व मुन्ना भाऊ शर्मा हे प्रमुख पाहुणे म्हणून उपस्थित होते.

    कार्यक्रमा दरम्यान आरोग्य सेविका सौ. पौर्णिमा जोशी तसेच आशा वर्कर सौ. कविता पाटील, सौ. साधना खंगार व सौ. सुनीता कापडणे यांच्या उपस्थितीत स्थानिक बालक बाळ शेख मेहनूर इरफान व कुमारी आयात सरफराज या दोन बालकांना प्राथमिक स्वरूपात लसीकरण करण्यात आले.

    नगरसेवक दीपक भाऊ चौगुले हे आपल्या प्रभागातील नागरिकांच्या समस्या सोडवण्यासाठी आणि शासनाच्या विविध योजना व सुविधा नागरिकांपर्यंत पोहोचवण्यासाठी सातत्याने प्रयत्न करत असतात, असे यावेळी उपस्थितांनी सांगितले.