माजी आमदार शिरीष चौधरी यांनी मराठा समाजाचे प्रशांत निकम यांना केले उपनगराध्यक्ष….मात्र गटातील एकनिष्ठ बहुजन नगरसेवक नाराज असल्याची चर्चा 

अमळनेर शहर प्रतिनिधी, येथील नगर परिषदेच्या निवडणुकीत शिवसेनेचे डॉ परीक्षित बाविस्कर हे लोकनियुक्त नगराध्यक्ष म्हणून निवडून आल्याने अपक्षानी सत्तेत राहण्यासाठी शिवसेने कडे धाव घेतली व आपल्या पदरी उप नगराध्यक्ष पद पाडून घेण्यात यशस्वी झाले.

   सविस्तर वृत्त की, तब्ब्ल नऊ वर्षा नंतर अमळनेर नगर परिषदेची निवडणूक झाली. यात अनेकांनी आपले भाग्य आजमावले. या निवडणुकीत प्रामुख्याने विद्यमान आमदार अनिल पाटील यांच्या शहर विकास आगाडी व माजी आमदार शिरीष चौधरी यांच्या नेतृत्वा खाली शिवसेनेतं लढत बघायला मिळाली. यात तब्ब्ल बारा अपक्ष निवडून आल्याने शहर विकास आघाडी व शिवसेनेला सत्त्ता स्थापनेच्या मार्गात अवरोध निर्माण झाला.त्यामुळे अपक्ष आपल्या बाजूला करण्यात दोघे दिग्गज कामाला लागले होते. त्यात नगरविकास मंत्री पद असलेल्या एकनाथ शिंदेच्या लोकनियुक्त नगराध्यक्ष डॉ परीक्षित बाविस्कर यांच्या सोबत जाण्याचा निर्णय बहुतांश अपक्षानी घेतला.

   एकमुठ केलेल्या अपक्षानी आपला स्वतंत्र गट स्थापन करून सत्तेत वाटा मिळावा म्हणून दबाव निर्माण केला. त्यात त्यांना चांगलाच फायदा झाला व आपल्या पदरी उप नगराध्यक्ष पद प्रशांत निकम यांच्या स्वरूपात पाडून घेतले.

  माजी आमदार शिरीष चौधरी यांनी मराठा सामाजाचे प्रशांत निकम यांना उप नगराध्यक्ष पद देऊन विद्यमान आमदार अनिल पाटील यांना चेकमेट दिल्याची चर्चा रंगली आहे. मात्र शिरीष चौधरी यांच्या गटातील बहुजन समाजातील एकनिष्ठ असलेले नगरसेवक नाराज असल्याचे ही बोलले जात आहे.

शिवसेनेने स्वीकृत नगरसेवक म्हणून मोहन भाऊ सातपुते,गुलाब भाऊ पाटील.

शहर विकास आघाडी ने स्वीकृत नगरसेवक म्हणून डिगंबर महाले 

अपक्ष गटातून प्रताप आण्णा साळी यांची वर्णी लागली आहे.