उपवर्गीकरण मोर्चा: अमळनेरात आज महत्त्वपूर्ण नियोजन बैठक

अमळनेर: उपवर्गीकरणाच्या मुद्द्यावरून जळगाव येथे निघणाऱ्या भव्य मोर्चाची पूर्वतयारी आणि तालुक्यातील सहभागाची दिशा ठरविण्यासाठी आज, गुरुवारी (१ ऑक्टोबर) अमळनेर शहरात सर्वपक्षीय व सर्व संघटनात्मक महत्त्वपूर्ण नियोजन बैठक आयोजित करण्यात आली आहे.

ही बैठक सायंकाळी ५:०० वाजता स्थानिक डॉ. बाबासाहेब आंबेडकर पतपेढी, अमळनेर येथे पार पडणार आहे. जळगाव येथे आयोजित केल्या जाणाऱ्या मोर्चाची संघटनात्मक तयारी, जनजागृती मोहीम, अमळनेर तालुक्यातून जास्तीत जास्त नागरिकांची उपस्थिती आणि वाहतूक नियोजन याविषयी बैठकीत सविस्तर चर्चा होऊन अंतिम रूपरेषा ठरवली जाईल.

हा लढा समाजाच्या हक्कांच्या दृष्टीने अत्यंत कळीचा असल्याने अमळनेर शहर आणि तालुक्यातील सर्व अनुसूचित जाती संवर्गातील बांधव, तरुण, महिला, ज्येष्ठ नागरिक तसेच विविध सामाजिक संघटनांच्या पदाधिकारी व कार्यकर्त्यांनी वेळेवर आणि मोठ्या संख्येने उपस्थित राहावे, असे आवाहन संयोजक माजी नगरसेवक नरेंद्र संदानशिव यांच्या वतीने करण्यात आले आहे.

Leave a Reply

Your email address will not be published. Required fields are marked *

error: Content is protected !!